Azalpenak

erabilera-azalpenak

 

Zerbitzu honen ezaugarriak eta helburua:

  • Doako zerbitzua.
  • Partikularrentzat, ez profesionalentzat, ez saltokientzat.
  • Nahi adina iragarki sar daitezke.
  • Iragarki bat sartzeko, alta egin behar da erabiltzaile erregistratu gisa eta dagokion fitxa bete behar da.
  • Iragarleak berak kendu behar du iragarkia artikulua saldu ostean edo egoki deritzonean.
  • Iragarkietako testua euskaraz edo gaztelaniaz idatzi ahal izango da.
  • Iragarki guztiak bi hizkuntzetan argitaratuko dira.
  • Beranduenera ere astebetera argitaratuko da iragarkia sarean. Iragarkia kendu nahi denean, une horretan bertan kenduko da.
  • Zerbitzu honen bitartez, interesa duten erabiltzaileak errazago jar daitezke harremanetan beraien artean. San Markoseko Mankomunitateak ez du bere gain hartzen argitaratzen diren edukien ardura, ez eta erabiltzaileek gerora egiten dituzten jardueren ardura ere.
  • San Markos-eko Mankomunitateak martxan jarritako ekimen honen helburu nagusia mota guztietako erabilitako objektuen berrerabilera bultzatzea da. Horrela, sortzen dugun hondakin kopurua murrizten lagunduko dugu ekologia bideragarriko ekimen baten bitartez.

gora

Nola izena eman zerbitzuan edo nola egin alta erabiltzaile erregistratu gisa?

"Alta egin" estekaren gainean klik egin, goian ezkerrean dagoen menuan. Hainbat datu eskatuko dizkizu, batzuk nahitaez bete beharrekoak eta beste batzuk aukerakoak. Guk zure datuak jaso ondoren, aukeratu duzun erabiltzaile izena eta programak automatikoki esleitzen dizun pasahitz bat bidaltzen ditugu zure mail postontzira, edo zure telefono mugikorrera.

Ez ahaztu pribatutasun-politikari buruzko lege-oharra irakurtzea, zure datuak nola gorde eta kudeatuko dituzten jakiteko.

gora

Nola sartu iragarki bat?

Erabiltzaile erregistratuek soilik sar dezakete iragarkia, eta iragarki hori argitaratu zuen erabiltzaileak bakarrik kendu ahal izango du.

Hasteko, erregistratutako erabiltzaile gisa identifikatu beharko duzu webean. Klik egin "erregistratutako erabiltzaile gisa sartu" aukeraren gainean, eta erabiltzaile-izena eta erabiltzaile-gakoa sar itzazu.

Ondoren, "iragarkia sartu" estekaren gainean klik egin. Goian dago, ezkerreko menuan.

Erabiltzaile erregistratu gisa sartu bazara --> Formulario bat ikusiko duzu, eta hainbat datu eskatuko dizkizu.

Ez bazara sartu erabiltzaile erregistratu gisa --> Identifikatzeko formularioa ikusiko duzu. Hori egin ostean, formulario bat ikusiko duzu, eta hainbat datu eskatuko dizkizu.

Argitaratu nahi dituzun datuekin bete beharko duzu formularioa. Saldu, oparitu edo trukatu nahi duzun artikuluaren irudi bat baduzu, jar ezazu.

Iragarki bakoitzak erreferentzia-zenbaki bat izango du errazago identifikatzeko.

Iragarki bat salmentaren atalean eta trukearen atalean argitaratzea nahi baduzu, bi iragarki argitaratu beharko dituzu artikulu bakar horrentzat, mota bateko transakzioa aukeratuz iragarki batean eta bestea bigarrenean. Artikulua bakarra izan arren, iragarki bakoitzak bere erreferentzia-zenbakia izango du.

Iragarkia ez da berehala argitaratzen. Hori egin baino lehen guk aztertu eta itzultzen dugu. Hala ere, goian diogun bezala, beranduenera ere astebetera argitaratuko da iragarkia sarean.

gora

Nola kendu iragarki bat?

Erabiltzaile erregistratuek soilik kendu ahal izango dituzte iragarkiak, eta iragarki bat argitaratu zuenak bakarrik kendu ahal izango du.

Hasteko, erabiltzaile erregistratu gisa identifikatu behar duzu webean. "Erregistratutako erabiltzaile gisa sartu" aukeraren gainean klik egin ezazu, eta erabiltzaile-izena eta erabiltzaile-gakoa sar itzazu.

Ondoren, kendu nahi duzun iragarkia ageri den orrira joan zaitez, eta argazkiaren azpian aurkituko duzun "iragarkia kendu" estekaren gainean klik egin ezazu. Orriak eskatuko dizu egiaztatzeko iragarkia kendu nahi duzula. Orrian ez bazara sartu erabiltzaile erregistratu gisa, ez duzu esteka hori ikusiko.

gora

Noiz kentzen da iragarki bat on-line merkatutik?

Iragarkiak bi arrazoiengatik ezabatzen dira:

1- Iragarkia jarri zuenak berak kentzen du.

2- Iragarkia argitaratu eta 4 hilabetera, merkatuko kudeatzaileek automatikoki kentzen dute.

Nola jarri harremanetan iragarki jakin baten iragarlearekin?

Iragarki baten orriaren beheko aldean "iragarleari mezu bat bidali" jartzen duen esteka bat dago. Esteka horri klik egiten badiozu, orri bat irekiko da. Datuak bete ostean, bidaltzeko botoia saka ezazu.

gora

Kategoria bat aukeratzeko irizpideak

Kategoria bakoitzean sar daitezkeen artikuluetako batzuk dira hauek:

  • Artea eta antigoaleko gauzak: koadroak, eskulturak, brokantea...
  • Bildumazaletasuna: bildumak egiteko edozein motako artikuluak; besteak beste, seiluak, txanponak, postalak, iruditxoak...
  • Kirolak: kirol-ekipamendua, jantzi espezializatuak barne; besteak beste, neoprenoak, futboleko oinetakoak...
  • Elektronika, telebista, bideoa...: bideo-irakurgailuak, musika erreproduzitzeko aparatuak, telebistak, irratiak, autoko irratiak...
  • Informatika: ordenagailuak, ordenagailuen pantailak, ordenagailuen osagaiak, inprimagailuak, CD grabagarriak...
  • Jostailuak, jolasak...: mota guztietako jolas eta jostailuak, mahai-jokoak... egoera onean
  • Altzariak eta osagarriak: Altzariak, apaingarriak (pitxerrak, figurak...) etxe-tresneria (baxera, mahai-tresnak...)
  • Arropa eta osagarriak: arropa, oinetakoak, kapelak...
  • Etxetresna elektrikoak: batigailuak, hozkailuak, arropa-garbigailuak, frijigailuak...
  • Argazkilaritza: Argazki-kamerak, argazkilartizat-osagarriak (objektiboak, memoriak, flashak, tripodeak...)
  • Joko elektronikoak: bideo-kontsolak, bideo-kontsolarako jokoak...
  • Postalak, kartelak: Mota guztiko postal eta kartelak, bai gaur egunekoak bai antigoalekoak.
  • Musika: musika-diskoak, -zintak edo CDak
  • Zinema, DVDa...: Zinearekin lotura duen material oro (DVD, bideo CDan, Super 8an, bideo-zintan.
  • Liburuak: Mota guztiko liburuak (eleberriak, testu-liburuak, hiztegiak, bidai-gidak...
  • Aldizkariak, komikiak: komikiak, ipuinak, aldizkariak...
  • Mendiko materiala: mendirako material eta osagarriak: bastoiak, polainak, mochilak, jantzi bereziak...
  • Eski-materiala: eskiak, snowak, makilak, botak eta mota guztietako ekipamendu espezializatua.
  • Haurtxo-tresnak: mota guztiko objektu eta tresnak, hala nola: seaskak, aulkiak, interkomunikatzaileak, baita haurtxoen arropa ere.
  • Beste kategoria batzuk: iragarlearen ustez bere artikulua bat ez badator aukera daitezkeen kategoriekin.

San Markoseko Mankomunitateak badu eskubidea iragarki bat kategoriaz aldatzeko.

gora

Nola egiaztatu nire erabiltzaile-datuak eta nola jakin zer iragarki ditudan kalean?

Lehen-lehenik, web orrian erregistratutako erabiltzailea zarela adierazi behar duzu. Ondoren, egin klik "nire datuak" aukeran.

gora

Nola eska dezaket nire iragarkiei ematen zaizkien erantzunak, nire telefono mugikorrera ere iristea?

Lehen-lehenik, web orrian erregistratutako erabiltzailea zarela adierazi behar duzu. Klikatu "Erregistratutako erabiltzaile gisa sartu" eta idatzi zure erabiltzaile-izena eta pasahitza.

Ondoren, sartu "Alta egin" edo "Nire Datuak " orrietan eta aukeratu "Telefono Mugikorra" atalaren azpian aurkituko duzun laukitxo egokia.

gora

Nola eskatu alertak bidaltzeko?

Erregistratutako erabiltzaileek soilik eska dezakete e-mail postontzira eta mugikorrera alertak bidaltzeko.

Lehen-lehenik, web orrian erregistratutako erabiltzailea zarela adierazi behar duzu. Egin klik "nire alertak" aukeran, ezkerraldeko menuan. Goian dauzkazu e-mail postontzian eta mugikorrean alertak jasotzeko laukitxoak. Aktibatu laukitxo bat edo biak, zuk nahi duzunaren arabera. Irakurri orriaren beraren argibideak, e-mailean zer motatako alertak jaso nahi dituzun nola adierazi jakiteko.

e-mail postontziko alertei dagokienez, gehien zer kategoria eta transakzio mota interesatzen zaizkizun adierazi ahal izango diguzu.

Horrez gain, zenbait hitz aukera ditzakezu, haiekin lotutako iragarkiei buruzko alertak jasotzeko. Zerbitzuak bidalitako alertak bat etorriko dira hautatutako aukeraren batekin. Hau da, demagun kirolak - bildumazaletasuna - salmenta - trukea laukitxoak aktibatzen ditudala, eta "liburua" hitza sartzen. Hori horrela izanik, alerta hauetakoren bat jasoko dut, adibidez:

1- Kirol-poltsa bat trukatzeko kaleratutako iragarki berri bati buruzko alerta.
2- Nobela beltzeko liburu bat saltzeko kaleratutako iragarki berri bati buruzko alerta.

SMS bidezko mugikorreko alertei dagokienez, aukera gutxiago daude, helburu batekin: jaso nahi den alerta-mota ahalik eta gehien zehaztea. Hala, ez da erabiltzailearen mugikorra betetzen. Kasu horretan, zenbait hitz idatzi beharko dituzu “hitz gakoak” hutsunean, eta hitz horiekin lotutako SMS alertak jasoko dituzu, hautatutako transakzio-kategoriak eta -mota kontuan izan gabe.

Azkenik, gure alerta-zerbitzuak badu erabiltzaileari interesa dakiokeenaz informatzeko sistema osagarri bat. Alertak bidaltzean, sistemak kontuan hartzen ditu erabiltzailearen "datuak". Horrenbestez, erabiltzaile batek "ume-kotxea saltzen dut" erako iragarkia kaleratu badu, eta beste batek "ume-kotxe bat nahi dut" erakoa, programak alerta bat bidaliko dio ume-kotxea saltzen daukan erabiltzaileari, norbait hura erosteko prest dagoela jakinarazteko.

gora

Nola eskatu iragarki berrien buletina?

Erregistratutako erabiltzaileek soilik eska dezakete iragarki berrien buletina.

Lehen-lehenik, web orrian erregistratutako erabiltzailea zarela adierazi behar duzu. Egin klik "nire datuak" aukeran eta aktibatu "Iragarki berrien buletina jaso nahi dut" laukitxoa, orrialdearen behealdeko "Zerbitzu osagarriak eskatu" epigrafearen barruan.

Aukeratu, halaber, zer hizkuntzatan jaso nahi dituzun buletinak eta egin klik "datuak bidali" botoian.

Zure erabiltzaile-datuak eguneratuko dira.

gora

merka2sanmarcos: San Markos Mankomunitatearen bigarren eskuko merkatuen web gunea,
edozein artikulu erabilia saldu, erosi, trukatu, bilatu edo oparitzeko.
lege-oharra   irisgarritasuna   web mapa
© San Markos-eko Mankomunitatea - Mancomunidad de San Marcos
Vitoria-Gasteiz kalea, 10. zk. behea - 20018 Donostia IFK/CIF: P-2000015D
----------------
del.icio.us-era bidali